ԿերամաԶարդ արվեստանոց-ուսումնարանը մշակութային կենտրոն է, որը գործում է որպես սոցիալական ձեռներեցություն: Կենտրոնի հիմնադիրը ԳՈՅ մարդասիրական հիմնադրամն է։
Մեր առաքելությունն է.
Մենք նվիրված ենք հայկական ավանդական խեցեգործական արվեստի պահպանմանն ու զարգացմանը։ Մեր վարպետները, վերակենդանացնելով զարդանախշերը, գորգանախշերը և թռչնագրերը, ձեռագործ կերամիկական իրերի վրա ստեղծում են եզակի պատկերներ և դիզայն:
Մեր արվեստանոցը հատուկ ուշադրություն է դարձնում պատերազմից տուժած արցախցի արվեստագետներին՝ տրամադրելով նրանց մասնագիտական աշխատանք և ստեղծագործական միջավայր։
Մենք՝ որակավորված հոգեբանների և արտթերապևտների ուղղորդմամբ, անվճար կավաթերապիայի դասընթացներ ենք առաջարկում պատերազմից և տեղահանումից տուժած երեխաների և նրանց ծնողների համար:
Մեր դասընթացները բաց են կավագործությամբ հետաքրքրված բոլոր անձանց համար։
Կավագործության դասերի միջոցով.
ԿերամաԶարդը ձգտում է դ պահպանել մեր հարուստ մշակութային ժառանգությունը՝ հայկական գորգանախշերը ներկայացնելով նորաձև կերպով, իսկ մեր ձեռագործ աշխատանքներից յուրաքանչյուրը պատմում է ավանդույթի և ժամանակակից նորարարության միաձուլման յուրօրինակ պատմություն։
ԿերամաԶարդը այս տարիների ընթացքում աշխատել է 400+ տեղահանված երեխաների և ծնողների հետ՝ նրանց ներգրավելով կավագործության և կավաթերապիայի դասըթնացներին։
Մենք մեր հաճախորդներին առաջարկում ենք բացառիկ ձեռագործ աշխատանք, որն արտացոլում է յուրաքանչյուր ստեղծագործության յուրօրինակությունն ու վարպետությունը։
Բացահայտեք ԿերամաԶարդի գույներով լի աշխարհը, որտեղ յուրաքանչյուր ձեռագործ իր ընդգծում է Ձեր տան գեղեցկությունն ու արտացոլում Ձեր անհատական ոճը։
Մենք սիրով կլսենք Ձեր կարծիքն ու առաջարկը
