Ծաղկաման

Բնութագիր

Թարմություն, հանդարտություն և նրբություն՝ կապույտ ծաղկային դեկորի շնորհիվ։ Կապույտ երանգներն ինտերիերին հաղորդում են հանգստացնող մթնոլորտ՝ ծաղկամանը դարձնելով ընտանեկան սեղանի, պատուհանագոգի կամ գրասենյակային իդեալական լրացում։

Ծաղկամանը պատրաստված է բարձրորակ իսպանական սպիտակ կավից, անցել է բազմափուլ արհեստագործական մշակման միջով՝ ձեռքով ծեփում, բնական չորացում, նախնական թրծում, ձեռքով նկարազարդում, ապակեպատում և երկրորդ թրծում։ Արդյունքում ստացվել է և՛ ամուր, և՛ նուրբ, և՛ էսթետիկ առումով արժեքավոր արտադրանք։

Կապույտ ծաղիկներով նկարազարդված այս կերամիկական ծաղկամանը կարող է օգտագործվել ինչպես բնական, այնպես էլ չորացրած կամ արհեստական ծաղիկների համար, իսկ մինիմալիստական ձևավորումը հնարավորություն է տալիս ծաղկամանն օգտագործել նաև որպես ինքնուրույն դեկորատիվ լուծում։