www.ceramazart.com-ը առցանց խանութ է, որտեղ վաճառվում են հայկական ձեռագործ կերամիկական իրեր։
www.ceramazart.com-ը պատկանում է «ԿԵՐԱՄԱԶԱՐԹ» ՍՊԸ–ին, որը գրանցված է Հայաստանի Հանրապետությունում, ՀՎՀՀ՝ 01332625:
«Մենք», «Մեր» և «Մեզ» տերմինները վերաբերվում են www.ceramazart.com-ին և նշված տերմինները կարող եք ընկալել որպես www.ceramazart.com:
Օգտվելով www.ceramazart.com կայքից՝ գնում կատարելու կամ պատվեր ձևակերպելու նպատակով, մենք ընդունում ենք, որ կայքի այցելուները և հաճախորդները կարդացել, հասկացել և ընդունել են «Ընդհանուր դրույթներ և պայմաններ» բաժնում ներկայացված տեղեկատվությունը և դրա բովանդակությունը:
«Ընդհանուր դրույթներ և պայմաններ» բաժնում ներկայացված դրույթները համարվում են պայմանագրի ձև և այն այցելուները, որոնք չեն ընդունում այս բաժնում նշված թեկուզ մեկ դրույթ, չեն կարող օգտվել կամ գնում կատարել www.ceramazart.com կայքից:
Գնորդը կարող է օգտվել www.ceramazart.com կայքից օրվա ցանկացած ժամի, սակայն հարցերի և ծագած խնդիրներին մենք կանդրադառնանք ամեն օր Երևանի ժամանակով՝ 9:00–19:00 ընկած ժամանակահատվածում՝ Armenia Time (AMT), UTC +4:
Կայքն ունի գրանցման հնարավորություն, որտեղ կպահպանվի ձեր գնումների պատմությունը: Կայքից օգտվելու, գնում կատարելու համար ցանկալի, բայց պարտադիր չէ գրանցվելը:
Գնում կամ պատվեր կատարելու համար պարտադիր է տրամադրել իրական տեղեկություններ՝ ըստ պահանջի, գնման կամ պատվերի գրանցումը կատարելու համար: Եթե դուք սխալ եք տրամադրել պահանջվող տեղեկատվությունը, ապա խնդիրներ կառաջանան ապրանքի առաքման հետ կապված, ինչի համար մենք պատասխանատվություն չենք կրելու:
Եթե սխալմամբ տրամադրել եք մեզ ոչ լրաժեք կամ ոչ ճիշտ տեղեկություններ, ապա կարող եք կայքում նշված էլեկտրոնային հասցեին գրել ճիշտ տեղեկատվությունը՝ պարտադիր նշելով, որ նախկինում տրված տեղեկատվությունը սխալ է: Այդ դեպքում մենք հիմք են ընդունում էլեկտրոնային նամակով ստացած տեղեկատվությունը:
Գնորդը հասկանում և ընդունում է, որ արտադրանքի իրական գույնը, որը ներկայացված է www.ceramazart.com կայքում, կախված է գնորդի կամ պատվիրատուի համակարգչի մոնիտորից: Մենք ամեն ինչ արել ենք, որ www.ceramazart.com կայքում ներկայացված արտադրանքի լուսանկարները առավելագույնս համապատասխանեն արտադրանքի իրական տեսքին, բայց մենք չենք կարող երաշխավորել, որ ձեր համակարգչում կամ սմարթֆոնի էկրանին կարտացոլվի արտադրանքի 100 տոկոս գունային տեսքը:
Արդեն գնված ապրանքները չեն կարող վերադարձվել և (կամ) փոխվել, բացառությամբ որոշակի պատճառների (հստակ թերություններ, վնասվածքներ, որոնք ներկայացված չեն եղել լուսանկարներում):
Գնորդը հասկանում և ընդունում է, որ գնած ապրանքի մատակարարման կամ առաքման ընթացքում առաջացած խնդիրների համար www.ceramazart.com–ը պատասխանատվություն չի կրում: Ցանկանում ենք տեղեկացնել, որ երբեք մեր արտադրանքի առաքման դեպքում որևէ խնդիր մինչ այսօր չի գրանցվել:
www.ceramazart.com կայքից մասնակի կամ ամբողջական տեղեկատվություն (նյութ, նկար, տեսահոլովակ և այլն) առցանց և այլ տիրույթում օգտագործելիս հղումը մեր կայքին պարտադիր է:
Կայքում ներկայացված արտադրանքի ամբողջ տեսականին պատկանում է «ԿԵՐԱՄԱԶԱՐԹ» ՍՊԸ –ին կամ նրա հետ առնչվող այլ ընկերության կամ անհատներին, որոնց ներկայացնելու և վաճառելու իրավունքը պատկանում է «ԿԵՐԱՄԱԶԱՐԹ» ՍՊԸ –ին:
www.ceramazart.com կայքում ներկայացված ձեռագործ կերամիկական իրերը, ներկայացված նկարները, ֆայլերը հանդիսանում են «ԿԵՐԱՄԱԶԱՐԹ» ՍՊԸ մտավոր և արդյունաբերական սեփականությունը և դրանց օգտագործումն առանց «ԿԵՐԱՄԱԶԱՐԹ» ՍՊԸ թույլտվության համարվում է հեղինակային իրավունքի խախտում՝ իր բոլոր հետևանքներով:
«Ընդհանուր դրույթներ և պայմաններ» բաժնում ներկայացված դրույթները կարող են փոփոխվել www.ceramazart.com կայքի կողմից՝ իր հայեցողությամբ:
Եթե դուք կատարել եք գնում կամ պատվեր, մենք հասկանում ենք, որ դուք ընդունել եք «Ընդհանուր դրույթներ և պայմաններ» բաժնի բոլոր դրույթները:
Մեր արտադրանքի վերաբերյալ ցանկացած հարց կամ բողոք կարող է ուղարկվել [email protected] էլեկտրոնային հասցեին:
Գաղտնիության մասին ծանուցումը (այսուհետ նաև՝ Գաղտնիության Ծանուցում) նկարագրում է Ձեր անձնական տվյալների օգտագործման, հավաքագրման, բացահայտման, պահպանման և պաշտպանության կարգը: Այն կիրառվում է www.ceramazart.com կայքի այն հատվածների նկատմամբ որտեղ հայտնվում է Գաղտնիության Ծանուցումը: Ծառայություններից օգտվելով և/կամ օգտատիրոջ հաշիվ բացելով, Դուք ընդունում եք Գաղտնիության Ծանուցման և օգտատիրոջ համաձայնագրի (այսուհետ նաև՝ Օգտատիրոջ Համաձայնագիր) բոլոր դրույթները, և դրանով իսկ տալիս եք Ձեր համաձայնությունը մեր կողմից Ձեր անձնական տվյալների հավաքման, օգտագործման, բացահայտման, պահպանման և պաշտպանության վերաբերյալ, ինչպես նկարագրված է Գաղտնիության Ծանուցմամբ:
Մենք կարող ենք ցանկացած պահի փոփոխություններ կատարել Գաղտնիության Ծանուցման մեջ՝ փոփոխված տարբերակը տեղադրելով կայքում և միաժամանակ նշելով դրա գործողության մեջ մտնելու ժամկետը:
Անձնական տվյալը ֆիզիկական անձին վերաբերող ցանկացած տեղեկություն է, որը թույլ է տալիս կամ կարող է թույլ տալ ուղղակի կամ անուղղակի կերպով նույնականացնել անձի ինքնությունը՝ նշելով անհատականացնող տվյալներ՝ անունը, ազգանունը, նույնականացման քարտի համարը, հասցեն, առցանց նույնականացումը, կամ անձի ֆիզիկական, հոգեբանական, գենետիկական, մտավոր, տնտեսական, մշակութային կամ սոցիալական ինքնությանը վերաբերող մեկ կամ մի քանի գործոններ:
Մենք հավաքում ենք անձնական տվյալներ բացառապես այն դեպքում, երբ Դուք օգտվում եք մեր կայքի Ծառայություններից:
Մենք օգտագործում ենք Ձեր անձնական տվյալները օգտատիրոջ հաշվի և մատուցվող ծառայությունների հետ կապված հարցեր առաջանալու դեպքում կապ հաստատելու համար, իրականացնելու հաճախորդների սպասարկում, ինչպես նաև` խարդախությամբ և անօրինական կատարված գործողությունները հայտնաբերելու, կանխարգելելու, նվազեցնելու և ուսումնասիրելու համար:
Մենք հաշվի ենք առնում կիրառելի օրենսդրությամբ նախատեսված Ձեր անձնական տվյալների էջին մուտք գործելու, ուղղումներ կատարելու, ջնջելու կամ սահմանափակ եղանակով օգտագործելու դիմում ներկայացնելու Ձեր իրավունքը: Մենք միջոցներ ենք ձեռնարկում Ձեզ հավաստիացնելու, որ մեր կողմից հավաքագրվող տեղեկատվությունը ճշգրիտ է և արդիական:
Ձեր անձնական տվյալների բացահայտումը երրորդ անձանց կարող է պայմանավորված լինել Ծառայությունները Ձեզ մատուցելու անհրաժեշտությամբ կամ համապատասխանեցնելու մեր իրավական պարտավորություններին, պարտադիր դարձնելու Օգտատիրոջ Համաձայնագիրը, հեշտացնելու մեր կողմից իրականացվող մարկետինգը և գովազդային գործընթացը կամ հայտնաբերելու, կանխարգելելու, նվազեցնելու և ուսումնասիրելու մեր կայքի Ծառայություններին առնչվող խարդախ և հակաիրավական գործողությունները:
Մենք պահպանում ենք Ձեր անձնական տվյալներն այնքան ժամանակ, որքան անհրաժեշտ է Ձեր կողմից պատվիրված ծառայությունը մատուցելու համար կամ այլ կարևոր նպատակներով, ինչպիսիք են օրինակ՝ իրավական պարտավորությունների կատարումը, վեճերի լուծումը և մեր իրավական փաստաթղթերի պարտադիր կատարման ապահովումը:
Մեր կայքում որևէ գործողության ժամանակ կարող են օգտագործվել cookie-ներ (սարքի հիշողության վրա տեղադրված փոքր տեքստային ֆայլեր, որոնք կիրառվում են կայք մտնելու կամ հաղորդագրություններ դիտելու ժամանակ) և համանման այլ տեխնոլոգիաներ, որոնք օգնում են Ձեզ ավելի որակյալ, արագ և անվտանգ ծառայություն մատուցելու համար:
Կայքի հնարավոր բոլոր հատվածներում տեղադրված են cookie-ներին և նման տեխնոլոգիաներին չարտոնված մուտքը կանխարգելող անվտանգության միջոցներ: Ցանկացած անձնական տվյալ, որը մենք հավաքում և պահում ենք այս տեխնոլոգիաների միջոցով, ձեռք է բերվում սույն ծանուցման և համաձայնության միջոցով: Մենք ստանում ենք Ձեր համաձայնությունը, երբ Դուք համաձայնում եք Օգտատիրոջ Համաձայնագրին՝ ընդունելով www.ceramazart.com կայքից օգտվելու բոլոր պայմանները, այդ թվում՝ Ձեր անձնական տվյալների՝ տարբեր եղանակներով հավաքման ու օգտագործման պայմանը:
Մենք պաշտպանում ենք Ձեր անձնական տվյալները` օգտագործելով տեխնիկական և վարչական անվտանգության տարբեր միջոցներ՝ կորուստների, չարաշահման, չարտոնված մուտքի, բացահայտման և փոփոխման ռիսկերը նվազեցնելու համար:
